ссылки по теме:

сайт Региональной Сетевой Академии Cisco в Средней Азии

	Наша деятельность в сфере образования Cisco mahalliy akademiyasi Savollar va javoblar Instruktorlarni òqitish Akademiyaning òquv dasturi Akademiya dasturida ishtirok etish Òqitish va treninglar Imtihonlar

Cisco akademiyasidagi ta’lim dasturi

Òzbekistondagi UzSciNet ilmiy va ta’lim yònalishlaridan biri - tizimiy mutaxassislarni òqitish. Shuning uchun 2000 yilda aynan UzSciNet tizimi negizida birinchi va bugungi kunda Òzbekistonda yagona bòlgan CISCO mahalliy sertifikatlangan tizimiy akademiya ochilganligi tabiiy hol. Òsha vaqtda òquv markazi ham faoliyat yurita boshlagan edi.

CISCO mahalliy akademiyasi Olmaota shahrida joylashgan Mintaqaviy akademiya bilan tuzilgan Shartnoma asosida faoliyat yuritadi. Òqitish jarayoni ikki darajada amalga oshiriladi. Bu - mintaqaviy daraja bòlib, unda trenerlar tayyorlanadi, boshqasi esa - mahalliy, unda tinglovchilar tayyorlanadi. Mahalliy akademiyada tòliq òquv kursi tòrt semestrdan iborat. Ularning har biri bir yarim oyga teng bòlib, ma’lum boblarni òrganishga baġishlangan. CISCO akademiyasida tahsil oluvchilar guruhi haftasiga 2 marta mashġulotlarda ishtirok etadilar va bu darslarning har biri 4 soatdan kam bòlmaydi.

Har bir tinglovchining ihtiyorida shaxsiy komp’yuter mavjud bòlib, mashġulotlar yakka tartibda òtkaziladi. Semestr davomida har bir bob bòyicha oraliq testi òtkaziladi. Nazariy mashġulotlar bilan bir qatorda amaliy kurs ham olib boriladi. Unda tinglovchilar komp’yuterda ishlashni òrganadilar: komp’yuterni qanday qilib tizimga ulash, sozlash kabi jarayonlarni òzlashtiradilar. Tinglovchilar texnikaviy bilimga ega bòlishlari, tizimni tashkil etish fizikaviy tamoyillarni bilishlari nazarda tutiladi. Ingliz tilini bilish - bu CISCO mahalliy akademiyasida ta’lim olishning qat’iy talablaridan biridir. Har bir bobdagi materialni òzlashtirishdan sòng tinglovchilar imtihon topshiradilar. Ta’kidlab òtish joizki, òquv jarayoni har qanday professional texnikaviy faoliyat turiga qòyiladigan asosiy talablarga muvofiq izchil olib boriladi.